Valentine's Day 2023

 

Happy
Valentine's
Day

February 14, 1910

For your Valentine's Day 2023 I offer three love songs by The Bard of Scotland, Robert Burns.

Green Grow The Rashes, O

There's nought but care on ev'ry han',

In every hour that passes, O

What signifies the life o' man,

An' 'twere na for the lasses, O.

Green grow the rashes, O

Green grow the rashes, O

The sweetest hours that e'er I spend,

Are spent among the lasses, O

The warl'y race may riches chase,

An' riches still may fly them, O

An' tho' at last they catch them fast,

Their hearts can ne'er enjoy them, O.

Green grow the rashes, O

Green grow the rashes, O

The sweetest hours that e'er I spend,

Are spent among the lasses, O

But gie me a cannie hour at e'en,

My arms about my dearie, O,

An' warl'y cares an' war'ly men

May a' gae tapsalteerie, O!

Green grow the rashes, O

Green grow the rashes, O

The sweetest hours that e'er I spend,

Are spent among the lasses, O

For you sae douce, ye sneer at this

Ye're nought but senseless asses, O

The wisest man the warl' e'er saw,

He dearly lov'd the lasses, O.

Green grow the rashes, O

Green grow the rashes, O

The sweetest hours that e'er I spend,

Are spent among the lasses, O

Auld Nature swears the lovely dears

Her noblest work she classes, O

Her prentice han' she try'd on man,

An' then she made the lasses, O.

Green grow the rashes, O

Green grow the rashes, O

The sweetest hours that e'er I spend,

Are spent among the lasses, O

Ae Fond Kiss

Ae fond kiss, and then we sever;

Ae fareweel, and then forever!

Deep in heart-wrung tears I'll pledge thee,

Warring sighs and groans I'll wage thee.

Who shall say that Fortune grieves him,

While the star of hope she leaves him?

Me, nae cheerfu' twinkle lights me;

Dark despair around benights me.

I'll ne'er blame my partial fancy,

Naething could resist my Nancy;

But to see her was to love her;

Love but her, and love forever.

Had we never lov'd sae kindly,

Had we never lov'd sae blindly,

Never met—or never parted—

We had ne'er been broken-hearted.

Fare thee weel, thou first and fairest!

Fare thee weel, thou best and dearest!

Thine be ilka joy and treasure,

Peace. enjoyment, love, and pleasure!

Ae fond kiss, and then we sever;

Ae fareweel, alas, forever!

Deep in heart-wrung tears I'll pledge thee,

Warring sighs and groans I'll wage thee!

A Red, Red Rose

O my Luve is like a red, red rose

   That’s newly sprung in June;

O my Luve is like the melody

   That’s sweetly played in tune.

So fair art thou, my bonnie lass,

   So deep in luve am I;

And I will luve thee still, my dear,

   Till a’ the seas gang dry.

Till a’ the seas gang dry, my dear,

   And the rocks melt wi’ the sun;

I will love thee still, my dear,

   While the sands o’ life shall run.

And fare thee weel, my only luve!

   And fare thee weel awhile!

And I will come again, my luve,

   Though it were ten thousand mile.

Happy Valentine's Day 2023

I'll never blame my partial fancy,

Nothing couild resist my Nancy;

But to see her, was to love her;

Love but her, and love forever.

Had we never loved so kindly;

Had we never loved so blindly;

Never met - nor never parted - 

We had never been broken-hearted.

Sources

Photos and Illustrations:

postcards from family archives